إنتظرونا فى حملة بتحلم بمين يحكم مصر؟

بجد بنحبك يامصر

هدف الحمله :-
الحمله تستهدف إحياء شخصيات مصريه وإبراز منافسين قادرين على حكم مصر
لأن مشكله كبيره من ضمن مشاكلنا إننا بنقول انه مافيش حد بارز يقدر يقود البلد وأعتقد إن الكلام ده غير صحيح , لأنه إزاى بلد زى مصر العالم العربى كله بيأمل منها القياده والرياده تقولوا عليها انه ماحدش يقدر يحكمها أو إنه مافيش شخصيه جديره بقيادتها , وأعتقد أنه اللى ممكن يقود البلد كتير وأكتر بكتير من اللى الشخصيات اللى هأضعها فى إستطلاعى .
تعالوا نحلم بجد
تعالوا نحلم بجد ومانخليش حاجه تمنعنا من حلمنا عشان لو بطلنا نحلم نموت , بس حلمنا المرة دى مختلف شويه لانه مرتبط بمستقبل حبيبتنا مصر , ومش عاوزين نحلم لوحدنا عاوزين كل الناس تحلم معانا .
إستطلاع بتحلم بمين يحكم مصر ? هايضم شخصيات محدوده , ومطلوب إختيار (شخصيه واحده ) من القائمه الموجوده , ولو نسينا نحط حد ياريت تفكرنا بيه فى تعليقك , هانصفى الاسماء وهانطلع شخص واحد فقط وياريت يكون هوه اللى إحنا بنحلم بيه كلنا .

الأسماء المرشحه فى الاستطلاع

1- جمال مبارك

2- عمر سليمان

3- د/عصام العريان

4- د/ أيمن نور

5- د/ محمد البرادعى

6-د / احمد فتحى سرور

7 - د / أحمد زويل